FlyArystan: Keler jyly Aqtóbe - Nur-Sultan reısi iske qosylady
AQTÓBE. QazAqparat - «FlyArystan» áýe kompanııasy 2020 jyly birqatar jańa reıster ashady, dep habarlaıdy QazAqparat tilshisi.
Aqtóbelikter birneshe aı buryn bıletke tapsyrys berip, Qaraǵandy, Nur-Sultan qalalary men Qazaqstannyń batys aımaqtaryna, keıin Máskeýge usha alady. Baǵa da qoljetimdi bolmaq. Eń tıimdisi - birneshe aı buryn josparlap, satyp alý.
«2020 jyldyń sáýir aıynda Aqtóbeden alǵashqy reıs iske qosylady. Aldymen Aqtóbe - Qaraǵandy baǵyty, keıinnen Aqtóbe - Nur-Sultan reısi bolady. Qazaqstannyń batysyndaǵy qalalarǵa barý úshin bılet - 5 myń teńgeden, Nur-Sultan, Qaraǵandyǵa - 7 myń teńgeden bastalady. Aldaǵy ýaqytta biz Qyzylorda, Shymkent, Atyraý, Aqtaý baǵytyn qosamyz. Halyqaralyq reıstiń alǵashqysy Máskeýge josparlanǵan. Sonymen qatar tizimde Tbılısı, Shardja, Antalııa, Ystanbul bar. Іshki reısterge alǵashqy bılet osy jyldyń sońynda satylady», - dedi «Eır Astana» áýekompanııasynyń prezıdenti ári bas atqarýshy dırektory Pıter Foster.
Áýe kompanııasymen kezdesýge oblys ákimi Ońdasyn Orazadın qatysyp, jańa áýe kompanııasynyń suranysy joǵary bolatynyna senim bildirdi.
