FlyArystan Ystyqkólge ushatyn jolaýshylarǵa eskertý jasady
ASTANA. KAZINFORM — FlyArystan áýe kompanııasy Ystyqkóldegi halyqaralyq sporttyq is-sharaǵa baılanysty Tamshy áýejaıynan ushatyn jolaýshylarǵa úndeý jasady.
2026 jylǵy 30 shilde men 2 tamyz aralyǵynda Sholpan-Ata — Tamshy áýejaıy baǵytyndaǵy kólik qozǵalysyna ýaqytsha shekteýler engiziledi.
Áýe kompanııasy ókilderi jolaýshylarǵa joldaǵy yqtımal ózgeristerdi eskerip, áýejaıǵa aldyn ala shyǵýǵa keńes berdi.
— Ushý aldyndaǵy barlyq rásimnen ýaqytyly ótý úshin áýejaıǵa ushýǵa keminde 3 saǵat qalǵanda kelýge keńes beremiz. Túsinistik tanytqandaryńyz úshin alǵys bildiremiz jáne sizderge sátti sapar tileımiz, — delingen habarlamada.
Eske salaıyq, buǵan deıin Astanada ótetin «Bolashaq oıyndary — 2026» halyqaralyq is-sharasyna baılanysty qaladaǵy kólik qozǵalysyna ýaqytsha shekteýler engiziletinin habarlaǵanbyz. Osyǵan baılanysty áýejaıǵa baratyn joldardyń keıbir ýchaskeleri jabylýy múmkin ekeni eskertilgen edi.
