FlyArystan basshysy balanyń áýejaıda qalyp qoıý oqıǵasyna qatysty keshirim surady

ASTANA. KAZINFORM – FlyArystan basshysy Rıchard Ledjer bıyl 21 shildede «Astana-Oral» reısindegi áýe kompanııa ushaǵyna 12 jasar qyz balanyń jiberilmeýi oqıǵasyna qatysty keshirim surady. 

«Bul jaǵdaı qoǵamda qyzý talqyǵa tústi jáne osyndaı oqıǵalarǵa aldaǵy ýaqytta jol bermeý kerek. Biz jedel túrde tekserýdi bastap kettik. Osy rette, tıisti ózgerister engizip, balalarǵa qyzmet kórsetý boıynsha standarttardy túzetý eskerilgen. Sonymen qatar Qazaqstannyń eńbek zańnamasynda qarastyrlǵan talaptar boıynsha shara qoldanamyz», - dedi R. Ledjer elordada áýe kóligi taqyrybynda ótken baspasóz máslıhatynda.

Kompanııa basshysy osyǵan deıin 12 jasar balaǵa qatysty oqıǵa boıynsha onyń týystarynan keshirim suraǵynan aıtty.

«Bul jaǵdaıǵa qatysty taǵy da keshirim suraımyn. Mundaı jaǵdaı qaıtalanbaýy tıis», - dedi FlyArystan basshysy. 

Aıta keteıik, FlyArystan-nyń 12 jasar qyzdy áýejaıda qaldyryp ketýi oqıǵasy boıynsha kompanııa jaýapqa tartylǵanyn habarlaǵan edik. 

Bul oqıǵa qoǵamda biraz talqylandy. Osydan keıin FlyArystan basshysy Oralda egizderdiń anasy Jazıra Mýsınamen kezdesti.