Flyarystan áýekompanııasynyń ushaǵy shuǵyl túrde Atyraý qalasyna qondy

ASTANA. QazAqparat – KS7375 Astana-Aqtaý reısin oryndaǵan Flyarystan áýekompanııasynyń ushaǵy shuǵyl túrde Atyraý qalasyna qondy, dep habarlaıdy QazAqparat tilshisi.

«8 mamyr kúni saǵat 23:30-da KS7375 Astana-Aqtaý reısin oryndaǵan ushaq aýa raıynyń qolaısyzdyǵyna baılanysty Atyraý qalasyna qonýǵa májbúr boldy. Reıs Atyraý qalasynyń jergilikti ýaqyty boıynsha 9 mamyr saǵat 06:40-ta qaıta ushady. Ushý ýaqyty týraly ózekti aqparat jolaýshylarǵa brondaý kezinde kórsetilgen nómirlerge jiberiledi. Sondaı-aq, jolaýshylar Flyarystan qosymshasynda jáne Flyarystan.com saıtynda reıstiń statýsyn óz betinshe teksere alady», - delingen kompanııanyń Telegram arnasynda jarııalanǵan habarlamada.

Málim bolǵandaı, reıs 2 saǵattan artyq keshiktirilgen kezde jolaýshylarǵa sýsyndar, 5 mınýttan aspaıtyn 2 telefon qońyraýyn nemese 2 elektrondyq poshta habarlamasyn joldaý múmkindigi usynylady.

Al, 4 saǵattan artyq keshiktirilgende-ystyq tamaq usynylady.

5 saǵattan asa keshiktirilgende-bir ret tegin áýebılettiń ýaqytyn ózgertý múmkindigi usynylady.