Flyarystan áýe kompanııasynyń ushaǵy shuǵyl túrde Atyraý qalasyna qondy
«29 mamyr kúni saǵat 00:45-te KS7375 Astana-Aqtaý reısin oryndaǵan ushaq aýa raıynyń qolaısyzdyǵyna baılanysty Atyraý qalasyna qonýǵa májbúr boldy. Atap aıtqanda, jedel qonýǵa qalyń tuman sebep bolǵan. Reıs Atyraý qalasynyń jergilikti ýaqyty boıynsha 29 mamyr saǵat 10:00-de qaıta ushady. Biz kidiristerdiń aldyn alý jáne reısterdi toqtatýǵa sebep bolatyn jaǵdaılardy joıý úshin barlyq sharalardy qabyldaımyz. Degenmen bul jaǵdaıda reıstiń keshigýi avıakompanııanyń kinásinen bolyp otyrǵan joq», - delingen kompanııanyń baspasóz qyzmeti taratqan habarlamada.
Azamattyq avıatsııa komıtetiniń málimetinshe, reıs 2 saǵattan artyq keshiktirilgen kezde jolaýshylarǵa sýsyndar, 5 mınýttan aspaıtyn 2 telefon qońyraýyn nemese 2 elektrondyq poshta habarlamasyn joldaý múmkindigi usynylady.
Al, 4 saǵattan artyq keshiktirilgende ystyq tamaq beriledi.
5 saǵattan asa keshiktirilgende bir ret tegin áýe bılettiń ýaqytyn ózgertý múmkindigi usynylady.
