FlyArystan áýe kompanııasy bir sekýndta bir bıletten satyp jatyr
NUR-SULTAN. QazAqparat - Elordada QR IIDM Azamattyq avıatsııa komıtetiniń tóraǵasy Talǵat Lastaev FlyArystan áýe kompanııasynyń basshysy Tım Djordanmen kezdesti, dep habarlaıdy QazAqparat.
Kompanııa basshysy Nur-Sultan - Almaty baǵytyndaǵy áýe bıletteriniń 6 999 teńgeden satylyp jatqanyn habarlady. «Almaty - Nur-Sultan» baǵyty boıynsha áýe reısteri kúnine eki ret ushyrylady. Satylym bastalǵan soń, eki saǵatta 2 myńnan astam bılet satylyp ketti. 1 sekýndta 1 bıletten satylyp jatyr. Satylǵan áýe bıletteriniń 70% júksiz tarıfpen alynǵan. Sondaı-aq, 90% bılet onlaın túrde satylǵan», - delingen QR IIDM Azamattyq avıatsııa komıtetiniń habarlamasynda.
Komıtettiń habarlaýynsha, erteń FlyArystan áýe kompanııasy Almaty - Qaraǵandy baǵyty boıynsha bıletter satylymyn bastaıdy.
