FlyArystan arzan bıletteri ishki týrızmdi jandandyrady - Dáýren Abaev
«Jýyrda ǵana Elbasynyń tikeleı tapsyrmasymen qurylǵan «FlyArystan» kompanııasy Almaty - Nur-Sultan baǵytynda tikeleı reıs ashty. Qazaqstandyqtar eń kóp qatynaıtyn aralyqtaǵy bılettiń baǵasy - bar-joǵy 7 myń teńge. Bul degenińiz poıyz bıletinen arzan degen sóz. Álbette, mundaı saparlardyń ózindik quny áste joǵary. Alaıda, memleket sýbsıdııalaý arqyly belgili bir mindetti óz moınyna alyp otyr», - dedi Dáýren Abaev «Habar» arnasyndaǵy «Ashyq dıalog» baǵdarlamasynda.
Mınıstr bul jumystardyń bári ne úshin jasalyp jatqanyn aıtyp berdi.
«Bul birinshiden, ishki týrızmdi jandandyrady. Qazirgi tańda bizdiń otandastarymyz ókinishke qaraı Shyǵys nemese Batys Qazaqstannan góri, Túrkııa nemese Mysyrdaǵy kýrorttyq aımaqtardy jaqsy biledi. Sebebi, buryn baǵa basqa edi. Mysaly, Aqtaýǵa deıingi bılet baǵasy týrıstik sapardyń baǵasymen birdeı bolyp shyǵa keletin. Qazirgi ýaqytta qolǵa alynyp jatqan sharalar bul jaǵdaıdy retteýge múmkindik beredi. Ekinshiden, bul bizdiń azamattardyń eńbek jáne bıznes mobıldiligin arttyrady», - deıdi Dáýren Abaev.
Eske sala ketsek, «FlyArystan» kompanııasy Almatydan Nur-Sultanǵa ushaq bıletteri 6999 teńgeden bastalatynyn jarııalaǵan bolatyn.
