FlyArystan alǵash ret Shymkent pen Pavlodarǵa sapar shekti
«Almatydan Shymkent pen Pavlodarǵa qatynaǵan birinshi reıster nyq tolyp, onyń 80% astam bıleti eń mınımaldy tarıfpen, ıaǵnı 10 000 teńgege deıingi baǵamen satylǵanyn atap ketken jón. Qazirgi ýaqytta saıahattaryn 26 qazanǵa deıin josparlap otyrǵan jolaýshylar áýe kompanııasynyń resmı saıtynan bıletterdi belsendi túrde brondap jatqanyn baıqaýǵa bolady» delingen habarlamada.
Budan bylaı atalmysh baǵyttar boıynsha zamanaýı 180 oryndyq Airbus A320 áýe kemesi kúndelikti qatynaıtyn bolady.
«Shymkent - respýblıkalyq mańyzy zor megapolıs. Sol sebepti FlyArystan-nyń kelýinen keıin jergilikti halyq altyn ýaqytyn únemdep, loýkostermen sapar shegýdi tańdaıdy degen nyq senimdemin», - dep atap ótti Shymkentte jýrnalıstermen ótken kezdesýde Eır Astana kompanııasynyń prezıdenti Pıter Foster.
Esterińizge sala ketsek, ońtústik astanadan shyraıly Shymkentke oryndalatyn reısterdiń eń tómengi bılet quny - 4999 teńgeden bastalsa, sapardyń ushý uzaqtyǵy - 1 saǵat 20 mınýt. Pavlodarǵa baramyn deýshiler bıletterdi 6999 teńgeden bastap satyp alyp, súıikti qalasyna 1 saǵat 50 mınýtta jete alady.
FlyArystan barsha jolaýshylarǵa áýe kompanııasynyń saıtynda jarııalanǵan tarıf erejelerimen muqııat tanysýdy suraıdy.