FlyArystan Aqtaýdan Dýbaıǵa ushatyn reısterdi jazdyń sońyna deıin toqtatty
ASTANA. KAZINFORM — FlyArystan áýe kompanııasy Taıaý Shyǵystaǵy turaqsyz jaǵdaıǵa baılanysty Aqtaý — Dýbaı — Aqtaý baǵyty boıynsha reısterdi 2026 jylǵy 29 tamyzdy qosa alǵanda toqtatatynyn habarlady.
Kúshi joıylǵan reısterdiń jolaýshylaryna bılettiń tolyq quny aıyppulsyz qaıtarylady. Qaıtarymdy bılet satyp alynǵan jer boıynsha rásimdeýge bolady.
FlyArystan áýekompanııasynyń resmı saıty nemese mobıldi qosymshasy arqyly bılet rásimdegen jolaýshylar brondaýǵa ózgeristerdi derbes túrde onlaın engize alady. Týrıstik agenttikter men ózge de satý arnalary arqyly rásimdelgen bıletter boıynsha jolaýshylarǵa satyp alynǵan orynǵa júginý usynylady.
Buǵan deıin Air Astana da Dýbaıǵa reısterdi toqtatý merzimin sáýir aıynyń sońyna deıin uzartqan bolatyn.
