FlyArystan «Aqtaý-Dýbaı» reısin toqtatý merzimin 15 qyrkúıekke deıin uzartty
ASTANA. KAZINFORM — FlyArystan áýe kompanııasy Taıaý Shyǵystaǵy turaqsyz jaǵdaıǵa baılanysty Aqtaý — Dýbaı — Aqtaý baǵyty boıynsha reısterdi oryndaýdy ýaqytsha toqtatý merzimin uzartty.
Kompanııanyń málimetinshe, bul baǵyttaǵy reıster 2026 jylǵy 15 qyrkúıekke deıin qosa alǵanda oryndalmaıdy.
Buǵan deıin reısterdiń 29 tamyzǵa deıin toqtatylǵany habarlanǵan edi.
Toqtatylǵan reısterdiń jolaýshylaryna bıletterdiń tolyq qunyn aıyppulsyz qaıtarý múmkindigi beriledi. Qarajat bıletti satyp alǵan oryn boıynsha qaıtarylady.
Eske salaıyq, buǵan deıin Air Astana Taıaý Shyǵystaǵy shıeleniske baılanysty áýe reısteriniń kestesi ózgeretinin eskertken edi.
