Fly Arystan halyqaralyq reıster ushyrmaq
NUR-SULTAN. QazAqparat - Otandyq loýkoster Fly Arystan ishki reısterden bólek, halyqaralyq reısterdi de ushyrady, dep habarlaıdy QazAqparat tilshisi.
Bul týraly XIV halyqaralyq «Baqyt uıymy» HR-konferentsııasynda «Eır Astana» áýe kompanııasynyń prezıdenti Pıter Foster aıtty
«Jaqyn arada halyqaralyq reısterdi ashý qarastyrylyp jatyr. Ázirge, Fly Arystan áýe kompanııasynyń flotynda eki ushaq bar. Kelesi aptada Qazaqstan ishindegi alǵashqy reıster ashylady. Úshinshi jáne tórtinshi ushaqtar shamamen 2019 jyldyń qazan aıynda keledi, sol kezde halyqaralyq reısterdi ushyrý jumystaryn bastaımyz», - dedi Pıter Foster.
P. Foster otandyq loýkoster bılettiniń álemdik tájirıbege sáıkes satylatynyn atap ótti.
«Áýekompanııanyń tarıf qurý saıasaty aıtarlyqtaı ıkemdi bolady. Suranysqa qaraı ózgerip otyratyn birneshe tarıf usynylady. ıAǵnı, barlyǵy sizdiń qaı kúnge qashan bılet suraýyńyzben baılanysty. Kez kelgen kommertsııalyq kásiporyn tabys tapqysy keledi, sáıkesinshe paıda túsirý úshin ushaq oryndarynyń barynsha satylǵany tıimdi», - dedi ol.
Sonymen birge, «Eır Astana» basshysy Fly Arystan ortasha tarıfi Air Astana bıletterinen únemi eki ese arzan bolatynyn jetkizdi.
