Fly Arystan-dy AirAstana-dan bólek shyǵarý usynysy nege keshigip jatyr

ASTANA. KAZINFORM –  Básekelestikti qorǵaý jáne damytý agenttigi tóraǵasynyń birinshi orynbasary Rýstam Ahmetov Fly Arystan-dy AirAstana-dan bólek shyǵarý usynysy nege keshigip jatqanyn túsindirdi.

– AirAstana-nyń Fly Arystan bólimshesine kelsek, ıá, biz ony bólek shyǵarýdy usynǵanbyz. Biraq qazir ondaı sheshim qabyldanǵan joq. Qazir naryqqa qosylǵan jańa oıynshynyń kelýi naryqqa qalaı áser etetinin baqylap otyrmyz. Osy taldaýdyń qorytyndysy boıynsha baǵa básekesi týyndamasa, basqa sharalardy usynamyz, - dedi agenttik tóraǵasynyń orynbasary.

Onyń aıtyp otyrǵan jańa oıynshysy – qatarlyq ınvestor.

- Azamattyq avıatsııa boıynsha aıtsaq, ıá, biz naryqtyń monopolııandyrý júrip jatqanyn kórip otyrmyz. AirAstana qazir bul naryqtyń 55%-yn alyp otyr. Sáıkesinshe baǵa básekesiniń stımýldary álsireıdi. Mundaǵy negizgi sheshim – taýarlar naryǵyn monopolııasyzdandyrý. Qazaq Air aktıvin satý usynysyn qoldadyq. Qazir bul naryqqa qatarlyq ınvestor kirip jatyr. Ol ınvestor bort sanyn arttyrýǵa ınvestıtsııa salýǵa mindet alyp otyr. Bul naryqtaǵy oıynshylardyń arasynda baǵa básekesin týyndatý kerek, - dedi Rýstam Ahmetov.

Eske salsaq, byltyr jyl basynda «Samuryq-Qazyna» FlyArystan áýe kompanııasy Air Astana-dan bólinip shyqqanyn málimdegen edi.