Fly Arystan Air Astana-dan bólinip shyqty
ALMATY. KAZINFORM – FlyArystan áýe kompanııasy Air Astana bólinip shyqty. Bul týraly baspasóz máslıhatynda «Samuryq-Qazyna» AQ aktıvterdi jekeshelendirý jáne qaıta qurylymdaý departamentiniń dırektory Dastan Ádiqojaev málim etti.
«Buǵan deıin FlyArystan Air Astana áýe kompanııasynyń qurylymdyq bólimshesi bolǵan. Al qazir FlyArystan 100% enshiles kompanııa. Ol qazirdiń ózinde derbes zańdy tulǵa, bólinip shyqty dep aıta alamyz», - dedi Dastan Ádiqojaev
Air Astana áýe kompanııasynyń basshysy Pıter Foster FlyArystan 100 paıyz enshiles kásiporny ekenin jáne bolashaqta korporatıvtik qurylymdy ózgertý jospary joq ekenin jetkizdi.
«Jaqynda FlyArystan óziniń sertıfıkatyn alatynyn atap ótkim keledi. Bul normatıvtik talaptardy saqtaýǵa jáne ushý qaýipsizdigi úshin qajet. ıAǵnı, aktsıonerlerdiń korporatıvtik qurylymyn ózgertýge qatysy joq», - dedi Pıter Foster.
Aıta keteıik, FlyArystan – alǵashqy qazaqstandyq loýkoster áýe kompanııasy jáne Air Astana ulttyq tasymaldaýshysynyń qurylymdyq bólimshesi boldy.
