Fly Arystan Air Astana-dan bólinip shyqqanda bılet arzandaýy múmkin

ASTANA. QazAqparat – Qazaqstandaǵy FlyArystan áýe kompanııasy 2024 jyly jeke bólinip shyǵady, dep habarlaıdy QazAqparat tilshisi.

«Bekitilgen kezeńdik josparǵa sáıkes, 2024 jyly «Eır Astana» AQ-dan jeke zańdy tulǵa retinde Fly Arystan qurylymdyq bólimshesiniń bólinýi eskerilip otyr. Bul qadam básekelestik ortany damytýǵa, naryq sýbektileri arasyndaǵy báseke arqyly áýe bıleti qunyn tómendetýge oń áser etedi», - dedi A. Ydyrysov Senatta elimizdegi áýe kóligi máselelerine qatysty jıyn barysynda.

FlyArystan – alǵashqy qazaqstandyq loýkoster áýe kompanııasy jáne Air Astana ulttyq tasymaldaýshysynyń qurylymdyq bólimshesi.

Budan buryn habarlanǵandaı, bıyl 10-ǵa jýyq halyqaralyq baǵyt boıynsha reıster ashylmaq.

Qazirgi kezde áýe kóligi salasynda 6 qazaqstandyq tasymaldaýshy 56 ishki baǵdar boıynsha aptasyna 706 reısti oryndap keledi.