Fly Arystan 3 myńnan astam balaǵa jeńildik jasamaı, bıletti 50% qymbatqa satqan

ALMATY. QazAqparat - Almaty qalasynyń avıatsııalyq kólik prokýratýrasy jolaýshylar quqyǵyn saqtaý máselesi boıynsha «Flaı Arystan» AQ avıakompanııasyna tekserý júrgizdi, dep habarlaıdy QazAqparat.

Tekserý kórsetkendeı, avıakompanııa halyqaralyq reısterge bıletterdi satý kezinde 2 jastan 12 jasqa deıingi kámeletke tolmaǵan jolaýshylarǵa arnaıy 50% jeńildikti qoldanbaǵan.

Mysaly, 2022 jyldyń qańtarynan qazanyna deıin halyqaralyq baǵyttar boıynsha standartty tarıf boıynsha 3 myńnan astam kámeletke tolmaǵan bala tasymaldanǵan.

Prokýratýranyń usynýy negizinde Azamattyq avıatsııa komıteti avıakompanııaǵa qatysty Ákimshilik quqyq buzý kodeksiniń 571-babynyń 1-bóligi boıynsha ákimshilik hattama toltyrdy.

Jınalǵan materıaldar Almaty qalasynyń ákimshilik quqyq buzýshylyqtar jónindegi mamandandyrylǵan aýdanaralyq sotynda qaraldy.

16 aqpan kúni jolaýshylardy tasymaldaý erejelerin buzǵany úshin avıakompanııany ákimshilik jaýapkershilikke tartý jóninde qaýly qabyldandy.

Sot aktisi zańdy kúshine engen joq.