Floıd Meıvezerge qarýly shabýyl jasaldy
ASTANA. QazAqparat - Bes salmaq dárejesi boıynsha burynǵy álem chempıony amerıkalyq kishi Floıd Meıvezerge qarýly shabýyl jasaldy, dep habarlaıdy «QazAqparat» HAA CNN-ge silteme jasap.
Málimet kóziniń habarlaýynsha, atys dúısenbi kúni túnde (jergilikti ýaqyt boıynsha - avt.) Atlanta qalasynda bolǵan. Qarýly shabýyldan boksshynyń bir oqqaǵary jaraqat aldy. Alaıda, tanymal boksshy shabýyldan eshqandaı zardap shekpegen eken.
Jergilikti polıtsııa qyzmetiniń máliimdeýinshe, Floıd Meıvezer túngi saǵat 3-ter shamasynda qalanyń Bakhed raıonyndaǵy túngi klýbtan shyǵyp, oqqaǵarlarymen birge 3 kólikpen qonaq úıge ketip bara jatqan jolynda belgisiz bireýler kólikke oq jaýdyrǵan. Alaıda, boksshynyń qorǵaýshylary oqıǵa orynynan sytylyp úlgerip, aıaǵynan jaraqat alǵan oqqaǵardy aýrýhanaǵa jetkizgen.
Polıtsııa oqıǵaǵa baılanysty tergeý-tekserý sharalaryn júrgizip jatyr, jáne bul aldyn-ala oılastyrǵan qastandyq shabýyly degen boljam jasaldy.
Foto: edition.cnn.com
