Floıd Meıýezer bıyl bokstan ketpek
ASTANA. QazAqparat - Amerıkalyq boksshy, pound-for-pound kóshbasshysy kishi Floıd Meıýezer (47-0, 26 KO) 2 mamyrda Mennı Pakıaomen (57-5-2, 38 KO) judyryqtasqannan keıin, Showtime telekompanııasyna taǵy bir jekpe-jekten keıin, qyrkúıek aıynda bokstan birjola ketetinin jarııalady.
Ol mansabyndaǵy barlyq shyńdardy baǵyndyrǵandyqtan, bylǵary qolǵapty shegege ilýdi sheshtim dep otyr.
«Men taǵy bir jekpe-jek ótkizemin. Men rasyn aıtamyn, bul maǵan tán qasıet. Men mansabymnyń eń shyńyna jetkenim sonshalyq, kez kelgen qarsylastyń aldynda qobaljýdy da doǵaryppyn. Meni qazir eshteńe de selt etpeıdi. Kelisimshart boıynsha taǵy bir kezdesý qaldy, ol qyrkúıekte ótedi», - dedi ol BoxingScene saıtyna bergen suhbatynda. Eske salaıyq, 2 mamyrda Las-Vegasta MGM Grand arenasynda Meıýezer men Pakıao arasynda megafaıt ótkeli otyr. Sarapqa WBA, WBC jáne WBO tujyrymdarynyń chempıondyq belbeýleri qoıylǵan.
