Florıdalyq pastor qyrkúıektiń 11-inde Qurandy órteýden bas tartty
ASTANA. Qyrkúıektiń 10-y. QazAqparat - Óz prıhodyna kelýshilerdi qyrkúıektiń 11-inde Qurannyń kóshirmesin órteýge shaqyrǵan florıdalyq pastor Terrı Djons bul sharany ótkizýden bas tartqanyn málim etti, dep habarlady beısenbi kúni amerıkandyq buqaralyq aqparat quraldary.
Dove World Outreach Center shirkeýi pastorynyń aıtýynsha, Nıý-Iorktegi jańa meshittiń lańkester joıǵan Dúnıejúzilik saýda ortalyǵy munaralarynan qashyqtaý salynatyndyǵy týraly oǵan ýáde berilgennen keıin, ol erteńge josparlanǵan aktsııadan bas tartqan-mys.
«Árıne, biz qazir kimde-kimniń Qurandy órtegenine qarsymyz. Biz adamdardy olaı etpeýge shaqyramyz jáne senimimiz nyq. Qazir ondaı áreketke baratyn ýaqyt emes»,- dedi pastor beısenbi kúni Geınsvıll qalasynda baspasóz máslıhatynda sóılegen sózinde.
