Florıdadaǵy surapyl daýyl: 26 okrýgte tótenshe jaǵdaı jarııalandy
NUR-SULTAN. QazAqparat – Florıda shtatynyń gýbernatory Ron DeSantıs Dorıan daýylynyń tónýine baılanysty tótenshe jaǵdaı rejimi engiziletinin málim etti, dep habarlaıdy QazAqparat NPR-ge silteme jasap.
«Florıda shtatynyń gýbernatory RonDeSantıs daýyldyń qozǵalys traektorııasynda ornalasatyn 26 okrýgte tótenshe jaǵdaı jarııalady», - delingen habarlamada.
Daýyldardyń ulttyq ortalyǵynyń málimetterine sáıkes, Dorıan daýyly óńirge 30 tamyz, juma kúni jetedi.
Osy aptada jáne kelesi aptanyń basynda Bagam araldarynda, Florıda shtaty men ońtústik-shyǵys Amerıkanyń basqa elderinde nóser jańbyr jaýady dep kútilýde.
Sondaı-aq, shtat gýbernatory federaldyq jáne jergilikti vedomstvolarǵa Dorıan tropıkalyq daýylynyń zardaptaryn joıýǵa kómektesýge tapsyrma berdi.
