Florıdadaǵy atys: 4 adam qaza taýyp, 11-i jaralandy
DJEKSONVILL. QazAqparat - Florıdadaǵy oıyn-saýyq ortalyǵynda bolǵan atys saldarynan tórt adam qaza taýyp, kem degende 11-i jaralandy, dep habarlaıdy Euronews.com.
Keleńsiz jaǵdaı Florıda shtatynyń soltústigindegi Djeksonvıll qalasynyń oıyn-saýyq ortalyǵynda bolǵan.
Jeksenbi kúni belgisiz bireý qaladaǵy tanymal «Djeksonvıll Lendıng» saýda kesheninde Madden NFL 19 kompıýterlik oıynynyń onlaın -týrnıri kezinde oq jaýdyrǵan.
Jergilikti sherıf ofısiniń habarlaýynsha, oq atqan adam qaza tapqan. Onyń bolýy múmkin sybaılasy izdestirilýde.
Atys bolǵan sát translıatsııa jasaǵan Twitch saıtyna túsip qalǵan.
Jergilikti BAQ málimetine qaraǵanda, ol týrnırge qatysyp, utylǵan. Budan soń qarýyn alyp kelip, adamdarǵa oq jaýdyryp, artynsha ózin-ózi óltirgen.
Budan buryn polıtsııa saýda ortalyǵyndaǵy «jappaı atys» jaıly habarlap, jurtshylyqqa ol jerden qashyq júrýge keńes bergen edi.
