Florıdadaǵy azyq-túlik dúkenderi jelisi atys qarýyn ashyq túrde alyp júrýge ruqsat berdi
ASTANA. KAZINFORM – Florıdadaǵy eń iri azyq-túlik dúkenderi jelisi endi shtattaǵy júzdegen dúkende atys qarýyn ashyq alyp júrýge ruqsat beredi, dep habarlaıdy FOX Business.
Caıtyndaǵy málimetke sáıkes, Florıdada 882 dúkeni bar Publix kompanııasy sońǵy aptalarda bul tájirıbege ruqsat bere bastady.
Publix ókili habarlaǵandaı, Florıdada 2025 jyldyń 25 qyrkúıeginen bastap atys qarýyn ashyq túrde ustap júrýge ruqsat etilgen jáne kompanııa «barlyq federaldyq, shtattyq jáne jergilikti zańdardy saqtaıdy».
Florıda apellıatsııalyq soty shtattyń atys qarýyn ashyq túrde ustap júrýge tyıym salý konstıtýtsııaǵa qaıshy dep sheshkennen keıin buǵan ruqsat etilgen.
Alaıda sot ǵımarattary, mektepter jáne úkimet ǵımarattary sııaqty keıbir jerlerde atys qarýyn ashyq nemese jasyryn alyp júrýge tyıym salynǵan.
Publix-tiń negizgi básekelesteriniń biri Winn-Dixie óz dúkenderinde atys qarýyna tyıym salý saıasatyn jalǵastyratynyn málimdedi.
Buǵan deıin Frantsııanyń Nıtstsa qalasynda qarýly shabýyldan 2 adam qaza taýyp, 5 adam jaraqat alǵanyn habarlaǵan bolatynbyz.