Florıdada ushaq kópqabatty turǵyn úıge soǵyldy
ASTANA. QazAqparat - Florıda shtatyndaǵy Fort-Loderdeıl qalasynda jeńil motorly ushaq juma kúni kópqabatty turǵyn úıge kelip soǵyldy, dep habarlaıdy QazAqparat The Miami Herald gazetine silteme jasap.
Órt-qutqarý qyzmeti ókilderiniń málimetinshe, oqıǵa saldarynan ushqysh kóz jumǵan.
Keleńsiz jaǵdaı tús kezinde bolǵan. Basylymnyń jazýynsha, ushaq ǵımarattyń 16 jáne 17-qabattarynyń ortasyna soǵylǵan. Osydan keıin ol jóndeý jumystary júrip jatqan basseıni bar terrasaǵa qulady. Turǵyndar evakýatsııalandy.
Pılottyń aty-jóni ázirshe anyqtalǵan joq. Tergeý jumystarymen Kóliktegi qaýipsizdik jónindegi ulttyq keńes aınalysyp jatyr.
