Florıdada qoltyraýyn qarbyz urlady
ASTANA. QazAqparat - AQSh-tyń Florıda shtatynda baqshadan qarbyz urlaǵan qoltyraýyn «qylmys» ústinde ustaldy. Bul týraly Facebook jelisinde aýyl sharýashylyǵy qylmystarymen kúres bólimi paraqshasynda habarlandy.
Onda, «Hendrı okrýginde baqshadan qarbyz urlamaqshy bolǵan qoltyraýyn ustaldy», - dep jazylyp, qarbyz tistep ap ózenge bet alǵan qoltyraýynnyń sýreti salynǵan.
Associated Press agenttigi habarlaǵandaı, foto jabaıy tabıǵatty zerdeleýshi bıolog Stıv Stıglerdi tań qaldyrdy. Ol bul qyzyq tosyn da, qyzyq jaǵdaı ekenin, ádette, qoltyraýyndar qarbyzdy taǵam retinde tutynbaıtynyn atap ótti.
