Florıdada atys bolyp, birneshe adam jaralandy
ASTANA. QazAqparat - AQSh-tyń Florıda shtatynyń Fort-Loderdeıl qalasyndaǵy áýejaıda birneshe adam jaraqat aldy. Bul týraly bbc.com habarlady.
Qazirgi tańda polıtsııa qyzmetkerleri arnaıy operatsııa júrgizip jatyr. Shabýyldaýshylar týraly málimet joq.
Jergilikti telearnanyń habarlaýynsha, jaraqat alǵan 9 adam týraly aıtylyp otyr.
Sondaı-aq bir adamnyń ólgeni týraly naqtylanbaǵan málimet bar.
Áýejaı ákimshiliginiń habarlaýynsha, oqıǵa júkterdi úlestirý zalynda bolǵan.
Jergilikti telearnalar medıtsına mamandarynyń qanǵa maltyqqan azamatqa kómek kórsetip jatqan kórinisteri bar túsirilimderdi jarııa etti.
Tikushaq arqyly túsirilgen kadrlarda júzdegen adamdar ushý alańynda tur, oqıǵa ornyna «jedel járdem» kóligi men polıtsııanyń arnaıy jasaqtary kelgen.
Aq úıdiń burynǵy ókili Arı Fleısher «Tvıtter» jelisindegi paraqshasynda atylǵan qarýdyń daýsy estilgen sátte óziniń áýejaıda bolǵanyn aıtty. «Qarýdyń daýsy estilisimen eldiń bári qasha jóneldi», dep jazdy ol.
Oqıǵaǵa qatysty málimetter áli túsip jatyr.
