Florıda jaǵalaýynda batyp bara jatqan kemeden 24 adam qutqaryldy

NЬıÝ-IORK. QazAqparat – Krýız laıneriniń komandasy Florıda shtatynyń ońtústik-shyǵys jaǵalaýynan shamamen 60 shaqyrym jerde Atlant muhıtynda batyp bara jatqan shaǵyn kemeden 24 adamdy, onyń ishinde 2 balany qutqardy, dep habarlaıdy QazAqparat AVS telearnasyna silteme jasap.

Kemeniń qandaı sebeptermen sýǵa bata bastaǵany týraly aıtylmaı otyr. 24 adam Carnival Cruise Lines krýız laıneriniń bortynda bolǵan. Keıin olardy AQSh jaǵalaý kúzeti kemesine alyp ketti.

Naýryzda AQSh bıligi koronavırýstyń taralýyna baılanysty krýızdik kemelerdiń jumysyna jáne olarǵa jolaýshylardy otyrǵyzýǵa tyıym salǵan edi. Carnival Cruise Lines laıneriniń bortynda tek komanda músheleri ǵana bolǵan.