Florıda jaǵalaýynda 10 delfınniń ne sebepten ólgendigi anyqtalmaı otyr
ASTANA. 22 qańtar. QazAqparat - On eki grınd delfıni amerıkandyq Florıda shtatynyń jaǵalaýyna shyǵyp qalǵan.
Bul týraly seısenbi kúni AQSh-tyń muhıt pen atmosferany zertteý boıynsha Ulttyq basqarmasynan habarlandy.
Birneshe kún buryn Florıda jaǵalaýynyń mańynda 18 delfın júrgeni baıqalǵan. Dúısenbi kúni qutqarýshylar 2 ólgen janýardyń ústinen shyqty. Jaǵalaýda álsirep jatqan taǵy 2 tirshilik ıesi de solardyń kebin kıdi. Seısenbide 8 sút qorektiniń óligi tabyldy. Qalǵandary izdestirilip jatyr.
Ǵalymdar delfınder men ózge sút qorektilerdiń jaǵalaýǵa shyǵyp ketý sebepterin anyqtaı almaı otyr. Grındter nemese qara delfınderdiń uzyndyǵy 8,5 metrge deıin, al salmaǵy ortasha alǵanda 1 tonnaǵa deıin jetedi. Al keıbireýleriniki tipti 2 tonnadan asyp ta jatady. Grındter kóbine ashyq muhıtta bolady. Jaǵalaýlarda sırek jaǵdaıda kezdesedi.
