Florıda jaǵalaýynda 300 jyl buryn batyp ketken qazyna tabyldy
ASTANA. KAZINFORM – Atlant muhıtynyń Florıda jaǵalaýynda qazyna izdeýshiler altyn men kúmis teńgelerdi tapty. Olar 1715 jyly Ispanııaǵa qazyna tıep shyqqan kemelermen birge sýǵa ketken, dep habarlaıdy Euronews.
Batyp ketken kemelerdi kóterýmen aınalysatyn kompanııanyń súńgýirler toby 1 mıllıon dollarlyq qazynaǵa teń altyn-kúmis monetalar men sırek artefaktilerdi anyqtady.
Altyn-kúmis tıyndar men ózge de jádigerler 1715 jyldyń 31 shildesinde basqa da kemelermen birge apatqa ushyraǵan ıspan galeonynyń bortynda bolǵan.
Flotılııa Jańa dúnıeden Ispanııaǵa kolonııalarda óndirilgen altyn, kúmis pen asyl tastardy alyp bara jatqan. Alaıda joıqyn daýyl kemelerdi sýǵa batyryp, júzdegen teńizshiniń ómirin qıdy, al Ispanııa qazynasy muhıt túbine ketken.
Aıta keterligi, tabylǵan monetalar jaqsy saqtalǵan: olardyń kópshiliginde soǵylǵan jyly men teńge saraıynyń tańbalary aıqyn kórinedi.
Bul jańalyq ótken jazda shyqqanymen, 1715 Fleet — Queens Jewels LLC kompanııasy ony osy aptada resmı túrde jarııa etti.
Aıta ketelik Aqmola oblysynda balyqshynyń qarmaǵyna «tarıhı artefakt» ilingeni týraly jazǵan edik.