Florıda turǵyny lotereıadan 800 mln dollar utyp aldy
ASTANA. KAZINFORM – AQSh-tyń Florıda shtatynda belgisiz azamat Mega Millions lotereıasynan 800 mıllıon dollar kólemindegi djekpotty jeńip aldy, dep habarlaıdy BelTA.
Bul – bıylǵy eń iri lotereıa utysy jáne Mega Millions tarıhyndaǵy kólemi jaǵynan onynshy djekpot.
Jeńimpazdyń jeke basy ázirge jarııalanǵan joq. Ol utysty jyl saıyn bólip alý nemese salyq salynǵanǵa deıingi 344,2 mıllıon dollar kólemindegi birjolǵy aqshalaı tólemdi tańdaýǵa quqyly.
Basylymnyń málimetinshe, iri djekpot ıeleriniń kópshiligi birjolǵy tólemdi tańdaýdy jón kóredi. Mindetti federaldyq salyq ustalǵannan keıin olardyń qolyna shamamen 261,6 mıllıon dollar tıedi.
Mega Millions tarıhyndaǵy eń iri djekpot 2023 jyldyń tamyz aıynda oınatylǵan bolatyn. Sol kezde Florıda shtatyndaǵy kompanııa 1,62 mıllıard dollar utyp alǵan.
Aıta keteıik, AQSh-ta jas jubaılar toı ótken soń ertesine lotoreıadan 693 myń dollar utyp aldy.
