Florıda shtatynyń eki turǵyny lotereıadan 414 mln. dollar utty
ASTANA. QazAqparat - AQSh-ta Mega Millions jalpyulttyq lotereıasynyń 414 mln.dollar quraǵan djekpotynyń jeńimpazdary belgili boldy.
Seısenbi kúni lotereıa ókilderi aıaq astynan baqytqa kenelgen jandardyń Florıda shtatynyń turǵyndary - 35 jastaǵy Reımond Moıer jáne Robın Kollıer ekendigin málim etti. Olar ózderi týraly eshqandaı málimet bermeı otyr. Tek belgili bolǵany, utys bıleti Florıdanyń Merrıtt-Aılend jarty aralyndaǵy sýpermarkette satylǵan. Dúken ıesi ózine tıisti tólenetin 100 myń dollar komıssııalyq qarjyny alyp ta úlgerdi, dep habarlaıdy ITAR-TASS.
