Florıda shtatynda sońǵy 20 jylda alǵash ret aıý atýǵa ruqsat berildi
ASTANA. QazAqparat - AQSh-tyń Florıda shtatynda búgin, 25 qazanda sońǵy 20 jylda alǵash ret aıý atý maýsymyna ruqsat berildi. Bul týraly VVS agenttigi habarlaıdy.
Derekkózine súıensek, janýarlar álemin qorǵaý jónindegi memlekettik komıssııa lıtsenzııasy bar ańshylarǵa jalpy sany 320 qara aıý atýǵa ǵana ruqsat berip otyr. Shtat bıliginiń aıtýynsha, bul bastamanyń maqsaty - óńirde aıý sany kóbeıip ketkendikten, ańnyń ósý qarqynyn turaqtandyrý.
Al, janýarlar álemin qorǵaý salasyndaǵy mamandardyń aıtýynsha, shtattyń ákimshiligi qoqys qaldyqtaryn tazalaý júıesine de mán berip, tıisti sharalardy qolǵa alýy qajet. Sebebi, jabaıy jyrtqyshtyń adam turatyn aýdandarǵa jaqyndaýyna basty sebep - qoqystaǵy as qaldyqtarynyń ıisi.
Assoshıeıted press agenttiginiń habarlaýynsha, jabaıy ańdy aýlaý maýsymy bir aptaǵa sozylady, biraq, belgilengen lımıt, ıaǵnı, 320 aıý atylmasa, ań aýlaý maýsymy jalǵasa beredi.
Taǵy bir qyzyq derekke kóz júgirtsek: memlekettik komıssııa belgilegen ereje boıynsha, ańshy aıý atyp óltirgen soń, 12 saǵat ishinde 33 arnaıy stantsııalardyń birine habar berýi kerek. Eger bul ereje saqtalmasa, ańshy 50-500 dollar kóleminde aıyppul tóleıdi, tipti, 60 kún túrmege qamalýy da múmkin.
