Florıda shtatynda keshki asqa bes qoltyraýyn aýlaǵan er adam qamaýǵa alyndy
ASTANA. QazAqparat - Amerıkadaǵy Florıda shtatynyń shyǵysynda ornalasqan Deborı qalasynda polıtseıler qoltyraýynnyń etinen keshki as daıyndamaq bolǵan er adamdy ustady.
BAQ-tyń habarlaýynsha, jergilikti turǵyn Rıchard Nıksı kólemi bir jarym metrge deıin jetetin bul janýarlardyń beseýin de ózi aýlaǵan.
Ony Florıdada týrıster arasynda keńinen tanymal birqatar as túrleriniń negizgi ıngredıenti bolyp tabylatyn allıgatorlardyń quıryqtary qyzyqtyrǵan.
Nıksı jeńsik asty teledıdardan kópten kútken amerıkandyq fýtbol oıynyn tamashalaı otyryp jeýge uıǵarǵan. Alaıda oıynnyń bastalýyna úsh saǵat qalǵanda onyń úıine polıtseıler kirip keldi.
«Florıdada qoltyraýyndy aýlaýǵa baılanysty arnaıy lıtsenzııa almasa, ańshylyq jasaýǵa eshkimniń de quqyǵy joq», - dep málimdedi shtattyń tabıǵatty qorǵaý komıssııasynyń ókili Greg Ýorkman.
