Florıda shtatynda eki qyz 16 jastaǵy aǵalarynyń ólimine kináli dep aıyptalýda
ASTANA. QazAqparat - Oqıǵa jýyrda Ýaıt Sprıngs mýnıtsıpalıtetinde oryn alǵan. Jergilikti ActionNewsJax.com portaly habarlaǵandaı, 15 jáne 11 jastaǵy eki qyz óz aǵalarynyń ólimine kináli. Qaıǵyly oqıǵa ata-analary jumysta bolǵanda oryn aldy.
Jerlgilikti polıtsııa aqparatynsha, qyzdardyń úlkeni ata-anasynyń bólmesine kirip tapanshany alǵan. Keıin sol qarýmen aǵasyn atqan. Polıtsııa kishi qyzdary da oǵan qatysty dep esepteıdi, alaıda aǵasyna úlkeni oq atqan kórinedi.
Osydan keıin qyzdar úıinen ketip qalyp, keıin olardy tártip saqshylary ustaǵany habarlandy. Olardyń ata-analary da qamaýǵa alyndy. Olarǵa nemquraılyqtarynyń saldarynan adam ólimi oryn aldy degen aıyp taǵyldy. Qyzdardyń aǵasyn óltirý sebebin tergeýshiler anyqtaýda.
