Florıda shtaty ýnıversıtetinde bolǵan atys kezinde tórt adam jaraqat aldy

ASTANA. KAZINFORM – Beımálim adam Tallahassı qalasyndaǵy ýnıversıtet kampýsynda oq jaýdyrǵan. Bul týraly Anadoly habarlady. 

AQSh-taǵy Florıda shtaty ýnıversıtetinde bolǵan qarýly shabýyldyń saldarynan aldyn ala málimet boıynsha tórt adam jaraqat alǵan. Atys ashqan adam áli de kampýs aýmaǵynda júrgeni habarlandy.

Jergilikti BAQ-tyń málimetinshe, oqıǵa Tallahassı qalasyndaǵy ýnıversıtet kampýsynda jergilikti ýaqytpen shamamen 12:00–de bolǵan. Polıtsııa oqıǵa ornyna kelip, shabýyldaýshyny zalalsyzdandyrý sharalaryn qolǵa alǵan.

Tallahassee Memorial aýrýhanasy jaraqat alǵan adamdardyń áli de aýrýhanaǵa jetkizilip jatqanyn rastady. Medıtsınalyq brıgadalar jedel qyzmetter jáne qoǵamdyq qaýipsizdik qyzmetkerlerimen birlesip oqıǵa ornynda jumys istep jatyr.

Ýnıversıtettiń qaýipsizdik qyzmeti kampýs aýmaǵynda júrgen adamdarǵa shuǵyl eskertý jarııalap, qaýipsiz jerlerge jasyrynýdy jáne ári qaraıǵy nusqaýlardy kútýdi surady.

— Barlyq esik-terezelerdi jabyńyzdar, qosymsha qaýipsizdik sharalaryna daıyn bolyńyzdar, — delingen habarlamada.

Ýnıversıtettegi barlyq sabaq ýaqytsha toqtatyldy. Kýágerlerdiń aıtýynsha, qarýly shabýyl jasaǵan adam stýdenttermen qatarlas adam bolýy múmkin. Olardyń sózinshe, polıtsııa oqıǵa ornyndaǵy qaýipsizdik sharalaryn kúsheıtip, shabýyldaýshyny ustaý nemese zalalsyzdandyrý boıynsha áreket etip jatyr.

Aıta ketelik Tramp ákimshiligi Garvardtan sheteldik stýdentterdi qabyldaý quqyǵyn alyp qoımaq.