Florıda mańynda muhıt túbinen alyp pıramıdalar tabyldy
ASTANA. QazAqparat - AQSh-tyń Florıda shtatynyń jaǵalaýlaryna jaqyn mańda, muhıt túbinen eki alyp pıramıda tabyldy. Google Maps jáne Google Earth servısterinen alynǵan sýretterge qarap ýfologtar osylaı aıtýda.
secureteam10 Youtube-arnasynda osy jańalyq jaıly beınebaıan jarııalandy, dep jazady Sun. Kóp ýaqyttan beri ártúrli ǵajap qubylystardy zerttep júrgen Skott esimdi ýfolog alyp pıramıdalar Nıý-Provıdens aralynyń janynda, sý astynda jatqanyn aıtady.
Onyń sózine qaraǵanda, pıramıdalar anyq kórinip tur. Pıramıdalardyń bolýy bul tóńirekti ejelden adamdar mekendegenin, tipti atstekter órkenıeti bolýy múmkindigin kórsetedi.
