Florens daýylyna baılanysty AQSh-ta 300 myń adam evakýatsııalandy
ASTANA. QazAqparat - Atlantıka muhıty jaǵynan jaqyndap qalǵan Florens daýylyna baılanysty Ońtústik Karolına shtatynyń (AQSh) 300 myń turǵyny evakýatsııalandy. Bul týraly shtat gýbernatory Genrı Makmasterge silteme jasap CNN telearnasy habarlaıdy.
Onyń aıtýynsha, daýylǵa baılanysty Ońtústik Karolına shtatynyń 1 mıllıonnan astam turǵyny baspanasyn tastap shyǵýy múmkin. Telekompanııanyń esepteýlerine qaraǵanda, Vırdjınııadan Alabamaǵa deıingi «Florens» daýylynyń áseri baıqalatyn aýmaqta 25 mıllıonnan astam halyq turady.
Djordjııa, Vırdjınııa, Soltústik Karolına, Ońtústik Karolına, Merılend, jáne Vashıngton shtattarynyń basshylyǵy daýylǵa baılanysty tótenshe jaǵdaı jarııalady.
Foto: bloomberg.com
