FQQ Sochıde ótetin Olımpıada qonaqtarynyń telefon qońyraýlaryn tyńdap otyrmaqshy
ASTANA. 7 qazan. QazAqparat - Federaldy qaýipsizdik qyzmeti Sochı Olımpıadasyna kelýshi qonaqtardyń bárin baqylaýǵa almaqshy, dep habarlady RBK.
Qaýipsizdikti qamtamasyz etýde Olımpıadada kórermenderdiń telefon qońyraýlary men ınternet-belsendiligi baqylaýǵa alynady. Oǵan qarsy bolǵandarǵa noýtbýkteri men smartfondaryn úıde qaldyrýǵa keńes berildi.
Osyǵan deıin Sochıde oıyn kezinde tegin Wi-Fi ınterneti jáne 4G jelisin paıdalanýǵa bolatyny belgili boldy. Mamandardyń sózine qaraǵanda, ol arnaıy qyzmetterdiń kórermender jaıly aqparat alyp otyrýyna qolaıly bolmaq. Mundaı talap barlyq baılanys operatorlaryna qoıyldy.
Baqylaý úshin arnaıy qyzmettegiler qupııa sózder men sóılemder arqyly kórermender josparyn bilip otyrady. Sonymen qatar, Sochıdiń ústinen ushqyshy joq eki ushaq baqylap turadyoǵan qosa, aspannan ushqyshsyz ushaqtar baqylaıdy.
Atalǵan qaýipsizdik sharalary 2008 jyly Beıjińde ótken Olımpıadadaǵy talaptarǵa uqsas bolǵanmen, bul Olımpıada tarıhynda qatysýshylar men kórermender syrtynan baqylaýdyń eń aýqymdy túri bolmaq.
