FQQ «Nord-Ostty» basyp alýǵa qatysýshyny ustady
ASTANA. QazAqparat - Qyrymda reseılik shekarashylar 2002 jylǵy Dýbrovkadaǵy Teatr ortalyǵynda kepildikke alýǵa kúdikti adamdy ustady, dep habarlady RBK.
Bul týraly FQQ-niń Qyrym Respýblıkasy boıynsha shekara basqarmasynyń baspasóz qyzmeti habarlady. 2002 jyly «Nord-Ost» mıýzıkli kezinde kepilderdi basyp alýǵa qatysqan lańkes qolǵa tústi, ol osy kezge deıin quqyq qorǵaý organdarynan jasyrynyp júrgen», - dep atap ótilgen vedomstvonyń baspasóz baıanynda.
FQQ Qyrym Respýblıkasy boıynsha basqarmasy baspasóz qyzmetiniń habarlaýynsha, lańkes 2014 jylǵy tamyzda ustalǵan. Al jeltoqsannyń ortasynda Qyrymda Dýbrovkadaǵy lańkestik aktisine qatysýǵa kúdiktilerdiń biri - Hasan Zakaev ustaldy, ol Ýkraınaǵa jalǵan qujattarmen ótpek bolǵan. Tergeý málimetteri boıynsha, ol Máskeýge qarý jáne «shahıd beldigin» jetkizýge jaýapty bolǵan.
Sonymen birge, Zakaev taǵy eki lańkestik aktige qatysýǵa aıyptalýda. Onyń birinde Máskeýdegi McDonald's meıramhanasynyń janynda bomba jarylǵan, al ekinshi oqıǵada sodyrlardyń ózderi Chaıkovskıı atyndaǵy kontsert zalynyń qasynan jarylǵysh qurylǵyny alǵan.
2002 jylǵy 23 qazanda Movsar Baraev bastaǵan lańkester «Nord-Ost» mıýzıkli júrip jatqan kezde 912 adamdy basyp alǵan. Sodyrlar Teatr ortalyǵy ǵımaratyn úsh kún boıy ustap turǵan. 26 qazanda FQQ arnaıy qyzmetiniń sarbazdary lańkesterdi tunshyqtyratyn gaz qoldanyp, shabýylmen basyp kirdi. Sodyrlar jarylǵysh qurylǵyny iske qosýǵa úlgere almaı qaldy, alaıda arnaıy operatsııa kezinde 130 adam qazaǵa ushyrady, olardyń kópshiligi gazdy qoldaný saldarynan kóz jumǵan.
