Fızıologııa jáne medıtsına salasyndaǵy Nobel syılyǵy ımmýnıtet júıesin zerttegenderge berildi
ASTANA.KAZINFORM – Fızıologııa jáne medıtsına salasyndaǵy Nobel syılyǵy perıferııalyq ımmýndyq tózimdilikti zerttegen ǵalymdarǵa berildi, dep habarlaıdy DW.
Laýreattardyń esimi dúısenbi 6 qazan kúni Stokgolmde jarııalandy. Olar Merı E. Brýnkov (Júıelik bıologııa ınstıtýty, Sıetl), Fred Ramsdell (Parker isik ımmýnoterapııasy ınstıtýty, San-Frantsısko) jáne Osaka ýnıversıtetiniń professory Shımon Sakagýchı.
Nobel komıtetiniń tóraǵasy Olle Kempe ǵalymdardyń ashqan jańalyǵy «ımmýndyq júıeniń qalaı jumys isteıtinin jáne aýyr aýtoımmýndy aýrýlar nege bárinde birdeı damymaıtynyn túsinýde sheshýshi ról atqarǵanyn» atap ótti.
BREAKING NEWS
— The Nobel Prize (@NobelPrize) October 6, 2025
The 2025 #NobelPrize in Physiology or Medicine has been awarded to Mary E. Brunkow, Fred Ramsdell and Shimon Sakaguchi “for their discoveries concerning peripheral immune tolerance.” pic.twitter.com/nhjxJSoZEr
Medıtsına salasyndaǵy Nobel syılyǵy 115 ret berildi, 2024 jylǵa deıin adam osy salada laýreat atandy.
2024 jyly fızıologııa jáne medıtsına salasyndaǵy Nobel syılyǵy amerıkalyq ǵalym Vıktor Ambros pen Gerı Ravkanǵa «mıkroRNQ-lardy ashqany jáne olardyń gen ekspressııasynyń transkrıptsııadan keıingi rettelýindegi rólin anyqtaǵany úshin» berildi.
Nobel aptalyǵy Fızıologııa jáne medıtsına salasyndaǵy laýreattardyń esimderin jarııalaýmen bastaldy. Kelesi kúni, 7 qazanda fızıka, 8 qazanda hımııa, 9 qazanda ádebıet salasyndaǵy Nobel syılyǵy laýreattarynyń esimderi jarııalanady. 10 qazanda Osloda beıbitshilik salasyndaǵy Nobel syılyǵy jarııalansa, 13 qazanda 1968 jyly Shvetsııa banki qurǵan Alfred Nobeldi eske alýǵa arnalǵan ekonomıka ǵylymdary boıynsha Nobel syılyǵynyń laýreaty jarııalanady.