Fızıkter sandyq kvantty batareıany jasap shyǵardy
ASTANA. Jeltoqsannyń 24-i. QazAqparat - Fızıkter sandyq kvantty batareıanyń konstrýktsııasyn usyndy. Zertteýshilerdiń aıtýynsha, jańa tásim akkýmýlıatorlardyń syıymdylyǵyn 10 esege deıin ulǵaıtýǵa, sondaı-aq aqparatty saqtaýdyń barynsha jınaqy júıesin qurýǵa múmkindik beredi,
dep habarlaıdy QazAqparat Lenta.rý saıtyna silteme jasap.
Jańa qurylǵynyń tásimi barynsha qarapaıym: ol mólsheri 10 nanometrden aspaıtyn kómirtekti nanotútikshelerdiń jelilerinen turady. Kvanttyq áserdiń arqasynda mundaı konstrýktsııa batareıalardy zarıadtaý kezindegi qıynshylyqtardyń birin - elektrlik kedergilerdiń týyndaýyn sheshedi. Dál osy qubylys kondensatorlardy «tym qatty» zarıadtaýǵa múmkindik bermeıdi.
Jańa batareıalardaǵy energııany saqtaý tásimi hımııalyq emes sıpatqa ıe, ol qarapaıym batareıalardy óndirýge jáne qaıta óńdeýge baılanysty birqatar aıtarlyqtaı qıynshylyqtardy sheshýge múmkindik beredi.
