Fızıka salasyndaǵy Nobel syılyǵynyń ıegerleri belgili boldy

NUR-SULTAN. QazAqparat - Fızıka salasyndaǵy 2020 jylǵy Nobel syılyǵy seısenbi kúni Rodjer Penroýz, Reınhard Gentsel jáne Andrea Gezge berildi, dep jazady QazAqparat Euronews agenttigine silteme jasap.

Óz kezeginde bul týraly Shved koroldik ǵylym akademııasynyń fızıka salasyndaǵy Nobel komıteti habarlaǵan bolatyn.

Komıtet sheshiminde aıtylǵandaı, Penroýz «qara qurdymyń paıda bolýy jalpy salystyrmalylyqtyń senimdi boljamy ekenin ashqany úshin» marapattaldy.

Gentsel men Gez galaktıka ortalyǵynda salmaǵy aýyr, biraq yqsham nysandy ashqany úshin laýreat atandy.

Esterińizge sala keteıik, ótken jyly Nobel syılyǵy «fızıkalyq kosmologııa salasyndaǵy teorııalyq zertteýleri» úshin kanada-amerıkalyq ǵalym Djeıms Pıblzge, sondaı-aq shveıtsarııalyq astrofızık Mıshel Maıor men Dıde Keloǵa «kún túrindegi juldyzdyń aınalasynda ekzoplanetany ashqany úshin» berilgen edi.