Fızıka salasynda 60-qa jýyq eńbek jazǵan qazaq ǵalymy qańǵybastar úıinde júr
ASTANA. QazAqparat - Fızıka salasynda 60-qa jýyq eńbek jazǵan qazaq ǵalymy qańǵybastar úıin panalap júr, dep habarlaıdy Almaty arnasy.
Fızıka ǵylymynda ózindik qoltańbasyn qaldyryp, 60-qa jýyq eńbek jazǵan Saparbaı Arynov Almatydaǵy turaqty mekeni joqtarǵa arnalǵan beıimdeý ortalyǵynda jatqanyna 2 aıǵa jýyqtaǵan. Aqsaqaldy buzaqylar soqqyǵa jyǵyp, bar aqshasy men qujattyryn qoldy qylypty. Amaly taýsylǵan qarııa qańǵybastar úıin panalaýǵa májbúr bolǵan. Saparbaı qartty kelini úılerine syıǵyzbaǵan kórinedi.
«Óziniń aýzynan estigenim, «men sizdi jolatpaımyn» degendeı áńgimeni estigenmin. Ol endi mynaý jasy kelgen adamǵa ol jaqsy tımeıdi»,-dedi fızıka-matematıka ǵylymdarynyń kandıdaty, Saparbaı Arynov.
Kelinine ókpesi qara qazandaı bolsa da, qarııa bul sózderdi ulyna jetkizbepti. Tek bólek turýǵa bel býǵanyn ǵana aıtqan. Osylaısha, Saparbaı Arynov qańǵybastar úıinen biraq shyqqan. 72-jastaǵy qarııa áli de tyń. Buǵan deıin Almaty tehnologııa ýnıversıtetinde sabaq berip, 20 jyldan astam ıAdrolyq fızıka ınstıtýtynda eńbek etken ǵalym qazir kitap jazyp jatyr eken. «Elektrotehnıka» atty kitabyn fızıka ǵylymyn qazaq tilinde tereńinen meńgeretin stýdentterge arnamaq.
«Jáýtikov atyndaǵy fızıka-matematıka mektebinde 5-6 jyl jumys istegenmin. Sonda balalardy olımpıadaǵa daıyndaǵanmyn. Solardyń aldy kúmis medal aldy, jaqsy nátıjeler boldy. Solarmen de jumys isteý josparym bar odan keıin taǵy bir josparym, Almaty tehnologııalyq ýnıversıtetinde jas jigitter men qyzdar bar. Solardy aspırantýraǵa tartpaqpyn», - dedi fızıka-matematıka ǵylymdarynyń kandıdaty Saparbaı Arynov.
Fızık ǵalymnyń bir ul bir qyzy, 4 nemeresi bar. Biraq, balalary ákesine múldem izdeý salmaıtyn kórinedi. Sonyń kesirinen, ortalyqtaǵylar qamkóńil qarııany qarttar úıine de ótkize almaı otyr eken.
«Bul kisiniń bala-shaǵasy bolǵannan keıin biz qabyldamaýymyz kerek bul ortalyqqa. Endi jaǵdaıǵa baılanysty, qazir qys tústi kún sýytqannan keıin qabyldadyq. Bul kisi qarttar úıine barǵym keledi deıdi. Biraq, ol úshin bala-shaǵasy sot arqyly zańdy túrde bas tartýy kerek», - dedi Almaty qalasy beıimdeý ortalyǵy dırektorynyń mindetin atqarýshy Qazybek Jylqybekov.
Aıta keteıik, qańǵyp qalǵandar beıimdeý ortalyǵynda tek 1 jylǵa deıin panalaı alady.
