Fix Price aktsıonerleri kompanııany Kıprden Qazaqstanǵa aýystyrýǵa sheshim qabyldady

Fix Price belgilengen baǵalar dúkeni operatorynyń aktsıonerleri kompanııany Qazaqstanda tirkeý týraly sheshim qabyldady. Bul týraly kompanııanyń baspasóz qyzmeti habar taratty, dep habarlaıdy Kazinform Retail arnasyna silteme jasap.

ıÝrısdıktsııany aýystyrý týraly sheshim 9 qarashada ótken aktsıonerlerdiń kezekten tys jınalysynda qabyldandy.

Kompanııa Qazaqstandaǵy «Astana» halyqaralyq qarjy ortalyǵynda («AHQO») tirkeledi jáne redomıtsılıatsııa protsesi aıaqtalǵannan keıin London qor bırjasynda jáne Máskeý bırjasynda GDR lıstıngin saqtap qalýǵa nıetti.

Qazaqstan 30 qyrkúıektegi jaǵdaı boıynsha 262 dúkeni jáne shamamen 1,6 myń qyzmetkeri bar bólshek saýda úshin eń iri 3 naryqtyń qataryna kirgendikten tańdaldy.

«Fix Price dúkender qataryn barlyq elderde jáne jańa geografııalarda belsendi túrde arttyrýdy josparlap otyr. Bizdiń jeli úshin Qazaqstan - úshinshi iri naryq, sondyqtan bizdiń basty nazarymyzda», - delingen kompanııa habarlamasynda.