FIVB prezıdenti Qazaqstan voleıbol federatsııasyna alǵys bildirdi
ASTANA. QazAqparat - Meksıkanyń Kankýn qalasynda ótken Halyqaralyq voleıbol federatsııasynyń kongresi aıasynda FIVB prezıdenti Qazaqstan voleıbol federatsııasyna alǵys bildirdi, dep habarlaıdy QazAqparat tilshisi.
QR Ulttyq olımpıada komıteti baspasóz qyzmetiniń habarlaýynsha, atalǵan jıynǵa Qazaqstan voleıbol federatsııasynyń bas hatshysy Ermek Syrlybaev qatysqan.
Halyqaralyq federatsııa prezıdenti Arı Grasa kongress aıasynda qurlyqtyq konfederatsııa basshylarymen kezdesip, Ulttyq federatsııa basshylarymen ótken jıynda Qazaqstan men Avstralııa voleıbol federatsııalaryn erekshe atap ótken. FIVB prezıdenti Azııa qurlyǵynda belsendilik tanytyp, voleıboldyń tanylýyna úles qosqany úshin Qazaqstanǵa alǵysyn bildirdi.
Sondaı-aq, Qazaqstan voleıbol federatsııasynyń FIVB-ǵa múshe bolǵanyna 25 jyl tolýyna oraı Ermek Syrlybaevaty estelik syılyqpen marapattady.
