FIVB álemdik gran-prıiniń Almatyda ótetin 2-kezeńine qatysatyn komandalardyń bári keldi - Ermek Syrlybaev
MATY. 9 tamyz. QazAqparat /Erlik Erjanuly/ - Voleıboldan tamyzdyń 12-14 kúnderi áıelder arasynda Almatydaǵy Balýan Sholaq sport kesheninde ótetin FIVB álemdik gran-prıiniń 2-kezeńine qatysatyn «F» tobyndaǵy komandalar sońǵy ázirlikterin pysyqtaýda.
Ony Almatydaǵy FIVB álemdik gran-prı dırektory Ermek Syrlybaev búgin baspasóz máslıhatynda habarlady.
«Barlyq komandalar keldi. Italııa quramasy eń sońǵy bolyp kelip jetti. Japonııadan sýpervaızer Katsýmı Ýakao keshe kelgen bolatyn. Jarystyń bas tóreshisi japonııalyq Takashı Chımoıama da osynda. Endi arbıtrlardy kútip otyrmyz», - deıdi Ermek Ámirbekuly. Onyń aıtýynsha, búgin uıymdastyrý tobynyń alǵashqy jumys májilisi ótedi. Jalpy alǵashqy kezde 8 komandadan bastalǵan álemdik gran-prı dodasynyń qatysýshylar sany bıyl 16 komandaǵa jetip otyr. 19-ret ótip jatqan bul baıraqty básekege Qazaqstan buǵan deıin 2007, 2008 jyldary qatysqan bolatyn. Onda 2007 jyly 10-shy, al 2008 jyly 12-shi oryn aldy. Qazir alǵashqy kezeńniń qorytyndysy boıynsha Germanııa men Perýdi artqa tastap 14-orynda kele jatyr.
