Fıtosanıtarııalyq talapqa saı kelmeıtin 6 tonna qııar Reseıge qaıtaryldy
ASTANA.KAZINFORM - Karantındik fıtosanıtarııalyq baqylaý jáne qadaǵalaý barysynda jalpy kólemi 6 tonna bolatyn jańa pisken qııar Reseı Federatsııasyna keri qaıtaryldy,dep habarlaıdy QR aýyl sharýashylyǵy mınıstrliginiń baspasóz qyzmeti.
Atalǵan sharany qabyldaýǵa karantındik ónimniń fıtosanıtarııalyq baqylaý men qadaǵalaýdan zańnamada belgilengen tártipke sáıkes ótkizilmeýi negiz boldy.
Aýyl sharýashylyǵy mınıstrlik fıtosanıtarııalyq talaptardy saqtaý eldiń karantındik qaýipsizdigin qamtamasyz etýdiń, karantındik obektilerdiń ákelinýi men taralýynyń aldyn alýdyń, sondaı-aq otandyq agroónerkásiptik keshendi qorǵaýdyń mindetti talaby ekenin eske salady.
Osy rette syrtqy ekonomıkalyq qyzmetke qatysýshylar ósimdikter karantıni salasynda zańnama talaptaryn qatań saqtap, belgilengen baqylaý rásimderinen ýaqtyly ótýdi qamtamasyz etýi qajet.
-Aýyl sharýashylyǵy mınıstrliginiń Agroónerkásiptik keshendegi memlekettik ınspektsııa komıteti (MIK) memlekettik shekara arqyly karantındik ónimderdi tasymaldaý kezinde karantındik qaýipsizdikti qamtamasyz etý jáne fıtosanıtarııalyq talaptardyń saqtalýyn baqylaý jumystaryn jalǵastyryady, -delingen habarlamada.
Osyǵan deıin aýyl sharýashylyǵy mınıstrliginiń zalaldanǵan astyqtyń 128 tonnasyn keri qaıtarǵany týraly jazdyq.
