Fıtosanıtarııadaǵy qate saıasattyń kesirinen elimizge 8 jańa aýrý kirip ketken

ASTANA. QazAqparat – Fıtosanıtarııadaǵy qate saıasattyń kesirinen elimizge 8 jańa arý kirip ketken. Májilistegi Úkimet saǵatynda Agrarlyq máseleler komıtetiniń tóraǵasy Serik Egizbaev osyndaı derek aıtty, dep habarlaıdy QazAqparat tilshisi.

«Jańa pisken jemister men kókónistiń báris táýekeli joǵary karantındik ónim bolyp esepteledi. Іshki naryqty qalaıda tolyqtyrý jarysynda fıtosanıtarlyq qaýipsizdik máseleleri nazardan tys qalyp jatyr. Osyndaı saıasattyń saldarynan tek sońǵy jyldary respýblıkada aýrýlardyń segiz jańa túri tirkeldi. Atap aıtqanda, «amerıkalyq aq kóbelek», «azııalyq murtty qońyz», «kartoptyń bozǵylt jumyrtqasy» jáne basqalar. Bul degenimiz – endi máńgilikke», - dedi Serik Egizbaev.

Májilis depýtaty tyńaıtqyshtar men ósimdikterdi qorǵaý quraldary boıynsha da respýblıka ımportqa táýeldilik bar ekenin atap ótti. Onyń málimeti boıynsha, byltyr ımport kólemi 38,5 mlrd teńge bolǵan.

Komıtet tóraǵasy tuqym sharýashylyǵyndaǵy agrarlyq ǵylymnyń jaı-kúıine de toqtaldy.

«Osy salada sátsiz eksperımentterdiń legi bitpeı jatyr. Sonyń saldarynan ǵylymı kadrlardy, jyldar boıy jınaqtalǵan ǵylymı tájirıbeni joǵaltyp jatyrmyz. Otandyq agrarlyq ǵylymdy qarjylandyrý men qoldaý júıesiniń máni qalmady.

Úkimetke bul jerde de ahýaldy túzetý úshin shuǵyl sharalar qabyldaý qajet», - dedi Májilis depýtaty.