«Fıtohımııa» ǵylymı-óndiristik kesheni memleketke qaıtarylady – mınıstr

NUR-SULTAN. QazAqparat - Qaraǵandy farmatsevtıkalyq klasterine berilgen «Fıtohımııa» ǵylymı-óndiristik kesheni memleket menshigine qaıtarylady. Bul týraly QR Bilim jáne ǵylym mınıstri Ashat Aımaǵambetov aıtty, dep habarlaıdy QazAqparat.

«Buryn Qaraǵandy farmatsevtıkalyq klasterine berilgen «Fıtohımııa» ǵylymı-óndiristik kesheni memleket menshigine qaıtarylady.

Instıtýttyń mańyzy men áleýeti zor. Іshki aýdıt qyzmetiniń tekserý jumysy kelisimniń memleketke tıimsiz ekenin kórsetti, múliktik keshendi baǵalaýǵa, onyń quny men bólip tóleýge qatysty suraqtar týyndady. Sol sebepti memleket menshigine qaıtarý bastamasy kóterildi. Tıisti qujatqa qol qoıylyp, rásimder júrgizilip jatyr», - dep jazdy Ashat Aımaǵambetov.

Sondaı-aq mınıstrdiń aıtýynsha, Qaraǵandy qalasynyń saıabaq aımaǵyndaǵy jerlerdi qalanyń ortalyq saıabaǵynyń bir bóligi retinde memleket menshigine qaıtarý máselesi qarastyrylatyn bolady.