Fitch sarapshylary Qazaqstanǵa egemendi kredıttik reıtıngin beredi
ASTANA. Qyrkúıektiń 22-si. QazAqparat - Qazaqstan Respýblıkasyna egemendi kredıttik reıtıngin berý maqsatynda Fitch halyqaralyq reıtıngtik agenttiginiń sarapshylary qyrkúıektiń 19-23-i aralyǵynda elimizde saparmen júr,
dep habarlady Ekonomıkalyq damý jáne saýda mınıstrliginiń baspasóz qyzmetinen.
«Sarapshylar memlekettiń makroekonomıkalyq jáne aqsha-kredıttik saıasaty máselelerin, sondaı-aq qarjylyq sektoryn retteý jáne ony memlekettik qoldaý máselelerin talqylaýǵa qyzyǵýshylyqtaryn bildirip otyr», - delingen vedomstvonyń baspasóz baıanynda.
Sapar barysynda meımandar QR Úkimetiniń, Ekonomıkalyq damý jáne saýda, qarjy, munaı jáne gaz mınıstrlikteriniń, «Samuryq-Qazyna» qorynyń basshylyǵymen, sondaı-aq, keıbir halyqaralyq uıymdardyń ókildikterimen kezdesýler ótkizdi. Sonymen qatar, sarapshylar ekinshi deńgeıli bankterdi aralady.
Sapar qorytyndysy boıynsha sarapshylar Qazaqstannyń egemendi kredıttik reıtıngin qýattaý nemese ózgertý týraly tıisti baspasóz habarlamasyn jarııalaıdy. Jyl sońyna deıin taǵy eki reıtıngtik agenttiktiń sarapshylarynyń saparlary kútilýde. Qazan aıynda - Standard&Poor's halyqaralyq reıtıngtik agenttigi sarapshylarynyń jyl saıynǵy sapary, qarasha aıynda - Moody's agenttiginiń sapary josparlanýda.
