Fitch Ratings aldaǵy bes jylda ekonomıkasy ósetin elderdi atady

ASTANA. QazAqparat - Fitch Ratings halyqaralyq reıtıng agenttigi álemdegi damýshy 10 memlekettiń ekonomıkalyq ósimine boljam jasady. Onyń ishinde Túrkııa da bar. Esepke sáıkes, jaqyn bes jylda Túrkııa ekonomıkasy bir jylda shamamen 4,8 paıyzǵa kóterilmek, dep habarlaıdy «Anadoly».

Fitch Ratings agenttiginiń saraptamalyq baıandamasynda Túrkııaǵa ınvestıtsııa quıylý deńgeıi joǵary qalpynda saqtalady dep boljam jasalǵan. Reıtıng satysynda 4,8 paıyzdyq ІJÓ boljamymen Túrkııa úshinshi orynda tur.

Boljamǵa sáıkes, damýshy elder ishinde demografııalyq faktorlardyń yqpalymen jáne elge salynatyn mol ınvestıtsııanyń esebinen birinshi orynǵa Úndistan shyǵady. Aldaǵy bes jylda Úndistan ekonomıkasynyń jyldyq ortasha ósimi 6,7 paıyzdy quramaq.

Odan keıingi oryndarda 5,5 paıyzdyq ósimmen  Qytaı jáne Indonezııa tur.

Fitch Ratings boljamyna sáıkes, Meksıka, Polsha jáne Ońtústik Koreıa ekonomıkasynyń ortasha jyldyq ósimi aldaǵy bes jylda 2,5-3 paıyzdy kórsetedi. Ońtústik Afrıka, Reseı jáne Brazılııa kórsetkishi 2 paıyzdan tómen dep boljanǵan.