Fitch: Apple jáne Samsung arzan modelderdiń joqtyǵynan smartfondar naryǵyndaǵy úlesiniń bir bóligin joǵaltady
ASTANA. QazAqparat - Fitch Halyqaralyq reıtıng agenttiginiń boljamy boıynsha, Apple amerıkalyq korporatsııasynyń álemdik smartfondar naryǵyndaǵy úlesi, 2013 jylmen salystyrǵanda, jyl sońynda 15 paıyzdan 14 paıyzǵa túsedi. Al ońtústikkoreıalyq Samsung holdıngi 31 paıyzdan 25-ke tómendeıdi.
Fitch sarapshylarynyń aıtýynsha, munyń sebebi naryqta baǵasyn kez kelgen tutynýshynyń qaltasy kóteretin smartfondardyń kóp suranysqa ıe bolýymen baılanysty. Naryqta kerisinshe arzan qalta telefondaryn óndirýshilerdiń úlesi artady.
"Álemdik brendke qaraǵanda quny mańyzdyraq sanalatyn naryqta 100-300 dollarlyq smartfondar paıda bolyp, olarda qymbat Samsung pen Apple qurylǵylarynda bar fýnktsııalardyń basym bóligi bolady", - dep jazdy Fitch.
Agenttik eki iri smartfon óndirýshiniń taýary 2014 jyly 450-460 mln. dana bolady dep boljap otyr. Al naryq kólemi 20% ósip, 1,2 mlrd. smartfonǵa suranys bolmaq.
